خالد سلێمان
بههاری شۆڕشهكانی دنیای عهرهب و گۆڕانكارییهكان بهلایهكدا شكایهوه, خودی شۆڕشگێرهكان, یان با بڵێین ژمارهیهكی بهرچاو لێیان, باسی شۆڕشێكی تر بكهن و جارێكی تر چاو ببڕنه مهیدانی تهحریر له قاهیرهو ههروهها ناوچهی "بوزید" له تونس. چونكه بهبێ پهردهپۆشیی, ڕووداوه سیاسییه "نهرمهكانی" ئهم ڕۆژانه بهرهو ئاراستهیهك دهڕۆن كه خهڵك جیاوازی نێوان حوسنی مبارهك و محهمهد مورسی تهنها له سمێڵ تاشین و ڕیش داناندا ببینن, له تونسیشدا ئامانجی شۆڕشهكه لهوهدا كۆبێتهوه كه گوایه "حزبی نههزهی ئیسلامی" كۆڵهكهیهكی بههێزن لهبهردهم سهلهفییهكاندا, لهبنهڕهتیشدا ههر خۆی ڕهحمی گهورهی ئهوانهو وهك داهۆڵێك دژی كۆمهڵگهو پێكهاته سیاسی و مهدهنییهكان بهكاریان دههێنێت.
له میسردا ڕووداوه "نهرمهكانی" دووای شۆڕش تهنها لهوهدا نهماونهتهوه كه مورسی سهرۆكایهتی بهشێوهیهكی برایانه بهسهر "ئیخوان"دا دابهش بكات و شتێكیش بهملاو بهولادا پهخش بكات و ههندێ لایهن و پێكهاتهی پێ دهمكوت بكات, نهخێر, پرۆسهی (ئهخوهنه)ی دهوڵهت بهرهو ئاراستهیهكی ئاشكرا دهڕوات و ئهوهتا دووای پێكهێنانهوهی دامهزراوهی سهربازی و لابردنی وهزیری بهرگری موشیر تهنتاوی, پرۆسهیهكی تر دهستی پێكردوه, ئهویش لابردنی زیاتر له 70 پلهی سهربازی گهورهی ناو سوپای میسره. ههڵبهته تهنها سهرۆكایهتی به ئیخوانكراو دهزانێت ئهو ئهفسهرانه كێن وا له جێگای ئهو بهرپرسه سهربازییه بهزۆر دهست لهكار كێشراوانه دادهنرێن؟
لهلایهكی ترهوه ئیخوانهكان لهههوڵی ئهوهدان ههرچی سهرنووسهرو بهرپرسی ئهو كهناڵه میدیایانهی وا حكومهت بهشداری بهشێك له بودجهكانیان دهكات لا ببهن و كهسانێك دابنێن به دهستنوێژی سیاسییه تهماشای سهرۆكایهتی كۆمارو حكومهتهكهی ئیخوانی موسلمین بكهن. ئهم ههڵمهتهی دژی میدیا كه هاوكات له تونسی "سهوز"ی دووای "زهینولعابدین بن عهلی"دا دهستی پێكردوه, تهنها سهرنووسهرو بهرپرسهكان ناگرێتهوه, بهڵكو پێشكهشكارو ڕۆژنامهنووسی ئاسای و بهتایبهتیش ژنانی ناو كهناڵهكانیش دهگرێتهوه.
ههر له ههمان میانهدا, ئێستا ئیخوانهكانی میسر له ههوڵی ئهوهدان ماددهیهك له دهستووری وڵاتهكهدا بسهپێنن كه دهڵێت, " پێویسته لهسهر دهوڵهت زاتی پهروهردگار بپارێزێت". ئهمهش بهپێی چاودێرانی سیاسی و هونهرمهندان و ڕۆشنبیران و ژمارهیهكی زۆر له شۆڕشگێڕهكانی دوێنێی مهیدانی تهحریر, نهك تهنها پاشگهزبوونهوهیه له ئهمانج و بههاكانی شۆڕشهكه, بهڵكو بردنیهتی بهرهو ئاراستهی قهدهغهكردنی ئازادییهكان و تهمسیل كردنی زاتی پهروهردگار له ڕێگای دهوڵهتهوه. ئهمهش لهلایهكهوه دژی بهها ئاینییهكان خۆیهتی و تهنانهت پێچهوانهی ههموو ئهو پرانسیپ و كولتوره ئاینییهیه كه چهندهها دهیهیه دامهزراوهیهكی گهورهی وهك ئهزههر كاری لهسهر دهكات, چونكه بهرگری كردن له زاتی پهروهردگار له ڕێگای پێشێلكردن و زهوتكردنی ئازادی دهربڕین و تاك و داهێنان, دهبێته ستهمێكی تر, جاران موبارهك وهك تاك بهرجهستهی دهكردو ئهمڕۆ بهنای ئاینهوه بهرجهسته دهكرێت.
لێرهدا ئیخوانهكان دهزانن چی دهكهن و ڕووی تیرهكهیان كردووهته كوێ. ئهگهر لێدانی ستهمی تاكهكهسی موبارهك ئاسان بوو, ئهوا ئهوان دهیانهوێت ئهو ستهمه به ئاین كۆڵهكهدار بكهن و ههر كهسێك ڕهخنهی لێبگرێت و پێی ڕازی نهبێت, وهك دووژمنی ئاین تهماشا بكرێت, بهڵام ڕهگ و ڕیشهی مهسهلهكه ئاین نییهو تهنها و تهنها دهسهڵاتهو به دهستنوێژی سیاسییهوه مومارهسه دهكرێت. ئیتر مافی خهڵكه پێیان بڵێت, ئێوه درۆتان فهرموو "برایان", چونكه بهم شێوهیه دهوڵهت بهرهو ستهمێكی تر دهبهن.
سەرچاوە: کوردستانی نوێ
تعليقات