خالد سلێمان
 |
| وێنە ئەسڵییەکە/thenewsminute |
چەند ڕۆژێکە وێنەی کەروێشکێکی سوتاو، بەشێوەیەکی فراوان بڵاو دەبێتەوەو تۆڕی کۆمەڵایەتی فەیسبوکی تەنیوەتەوە. کەس ئاماژە بۆ ئەوە ناکات ئەم کەروێشکە کەی سوتاوەو لە کوێ؟ ئەی چۆن پۆزشنی دانیشتنەکەی وەک خۆی ماوەو واش دەردەکەوێت کە هێشتا زیندە؛ لە کاتێکدا ئاژەڵ لە کاتی سوتاندا جوڵە دەکات و بەو شێوەیە نامێنێت کە ئەم کەروێشکە لە وێنەکەدا دەرکەوتوە. کەس نەیپرسی فۆتۆگرافەرەکە کێیەو کەی وێنەکەی گرتوەو لە کوێ بڵاویکردوەتەوە؟
لە بری ئەم پرسیارانە ژمارەیەکی زۆر لە بەکارهێنەرانی فەیسبوک بەشێوەیەکی ناڕاستەوخۆ ڕای گشتییان بەلای ئەوەدا برد کە ئەم کەروێشکە لە کەرکوک یان هەر شوێنێکی تری ناوچە کوردستانیەکانی دەرەوەی هەرێم بەدەستی عەرەب سوتێنراوە؛ یانی لە کاتی سوتاندنی گەنمەکاندا سوتاوە. (کە ئەمەشیان بابەتێکی تری بەدواداچونە، چونکە گەنمی عەرەبیش سوتا، بۆ نمونە لە موسڵ و دیالا)
لە بری ئەم پرسیارانە ژمارەیەکی زۆر لە بەکارهێنەرانی فەیسبوک بەشێوەیەکی ناڕاستەوخۆ ڕای گشتییان بەلای ئەوەدا برد کە ئەم کەروێشکە لە کەرکوک یان هەر شوێنێکی تری ناوچە کوردستانیەکانی دەرەوەی هەرێم بەدەستی عەرەب سوتێنراوە؛ یانی لە کاتی سوتاندنی گەنمەکاندا سوتاوە. (کە ئەمەشیان بابەتێکی تری بەدواداچونە، چونکە گەنمی عەرەبیش سوتا، بۆ نمونە لە موسڵ و دیالا)
کار گەیشتە ئاستێک ئەم بەکارهێنەرانەی تۆڕە کۆمەڵایەتیەکان، بەتایبەتی فەیسبوک کە بوەتە گەورەترین سەرچاوەی دزی و درۆ، کە لەوانەیە بەئەنقەست ئەم کارە بکەن، کاریگەرییان لەسەر ئەو نوسەرو ڕۆژنامەنوسانەش هەبێت کە جێگەی متمانەو باوەڕی خەڵکن و ژمارەیەکیان وێنەکەیان بڵاوکردەوە. بەڕای من مەبەستی ئەو کەسانەی کە وێنەکەیان خستەناو ئەم ڕوبەرە (ڤێڕچوێڵە)وە، بڵاوکردنەوەو وروژاندنی گوتاری ڕق و کینە بو، کە لە ڕاستیشدا وێنەکە بوە هۆی شەپۆلدانی هەستێکی خراپ دژی عەرەب، وەک ئەوەی کورد نمونەییترین دۆستی ئاژەڵان بێت لە دنیادا!!
ئەمڕۆ لە گەڕاندا بەدوای سەرچاوەی وێنەکەدا، خەریکبو توشی نائومێدی بم، چونکە میکانیزمێکی ڕۆژنامەی (لۆمۆند)ی فەرەنسی بۆ دۆزینەوەی وێنەی دزراو بەکار دەهێنم، ئەم سیستمەش فەیسبوک وەک سەرچاوەی زانیاری ناناسێت و کار لەسەر ئەو وێنانەدا ناکات کە لەسەر فەیسبوک بڵاو ئەبنەوە. بەڵام لە رێگەی ڵینزی (گوگڵ)ەوە توانیم بگەمە سەرچاوەی وێنەکە کە مانگی ١١ی ٢٠١٨ لەلایەن فۆتۆژورنالیستی ئەمریکی کریس ڕۆزانۆڤسکی-یەوە گیراوە. کەروێشکەکەش مردو نیە، بەڵکو لە کاتێککا کە کریس ڕۆزانۆڤسکی وێنەکەی گرتوە لە ژیاندا مابوەو ئازارێکی زۆری هەبو، ئەمەش یەکێک لە قوربانیەکانی (ۆڵسی فایەر) لە ویلایەتی کالیفۆرنیا کە بوە گیان لەدەستدانی سی کەس و وێرانکردنی ڕوبەرێکی زۆر لە دارستان و مردنی چەندەها ئاژەڵ. تاکە گۆڕانکارییەک کە کوردەکان لە وێنەکەدا کردویانە ئەوەیە ڕەنگەکەیان کاڵ کردوەتەوە. هەڵبەتە پێش کورد لە هندستانیش هەمان وێنە وا بڵاوکرایەوە کە گوایە بەشێکە لە ئاگرێک کە لە ناوچەی (باندیپور) لە باشوری ڕۆژئاوای وڵاتە کەوتوەتەوە، هەر ئەمەش وایکرد سایتی (نیوزمنت) لەم ئارتیکلەی خوارەوەدا ڕاستی دروستی وێنەکە باس بکات.
 |
| وێنە بڵاوکراوەکەی سەر فەیسبوک لە کوردستان |
لە ڕێگەی ئەم لینکەوە تەماشای سەرچاوەی وێنەکە بکە:
تعليقات