تێبینی : کە پیاوکوژەکانی داعش هێڕشیان کردە سەر کۆبانی، جان دۆست یەک وشەی نەوت و لە دیدارێکیشدا لە سلێمانی (خوا خێری فێستیڤاڵی گەلاوێژ نەنوسێت کە بانگیان کرد) باسی جوگرافیاو مێژوی کۆبانی دەکرد، وەک ئەوەی باسی داستانی بەرگرییەکەی عەیبە بێت.
* * *
جان دۆست لەو چاوپێکەوتنەدا باسی ئەوە دەکات چەن زەحمەت بو ڕۆمانێک لە سەر کەنارەکانی ئەنتالیا لە بنوسێت و نۆ مانگ و نۆ ڕۆژ پێوەی بتلێت، چونکە بەلای ئەوەوە وێنەکانی شارەکەی زۆر و بەگرییەکەی زۆر کاریگەر بون.
تێبینی : تەماشاکەن، کاکی ڕۆماننوس بۆ نوسین لەسەر کۆبانی و بەرگرییە مێژوییەکەی دژی داعش کە هیچی دەربارەیان نەووت، دەچێتە کەنارەکانی ئەنتالیا لە تورکیا، باشە هەر هیچ نەبوایە با کەمێک لە بن خەتەوە نزیک بوایە تا هەست بە ئازارەکان بکات.
تێبینییەکی تر : بە زمانی خەڵکی باکور و ڕۆژئاوای کوردستان، سەر خەت باکورەو بن خەت ڕۆژئاوایە. کەسێک بەجوانی لەسەر بن خەت و سەر خەتی نوسیبێت (حەلیم یوسف)ە لە ڕۆمانی ماسیەکانیش تینو دەبن.
* * *
لە شوێنێکدا "جان" ئەڵیت : ناوچە کوردیەکان، بە یارمەتی ڕژێم کەوتوەتە دەست فاشیزمێکی میلیتاری بە بەرگی کوردییەوە.
تێبینی : پێم سەیر نیە کە "کاکە" جان دۆست ڕەخنە لە هەر حزبێک بگرێت و ئەو ئازادە لەوەیانا و کەسیش مافی ئەوەی نیە دەمی "دابخات"، بەڵام ئەم ڕۆماننوس ئازیزە بە خۆی جینزە سپییەکانی و کراسە سەوزە کاڵەکانی و ملپێچە مۆرەکەی و چانتاکەی شانی کە ١٠٠٪ پێست بو، لە کاتی هێڕشی پیاکوژەکانی داعش و دەسکراوهیی ئەردۆگان بۆ لێدانی کورد هیچ وشەیەکی لەدەم نەهاتە دەر، وەک دەم و دەستی تەنها بۆ ڕۆمان نوسین و ڕەخنە لە ئیدارەی کوردەکانی ڕۆژئاوا دورست کرابێت.
تێبینییەکەی تر : کەس لێی ناپرسێت رای چیە دەربارەی خۆڕاگری و بەرگری کچ و کوڕانی ڕۆژئاوا دژی فاشیزمی ئیسلامی بە داعش و جەبهەی نوسرەو ئەحراری شام و ...هتد، چونکە ئەو بە هەر نرخێک بێت ئەیەویست ببێتە ڕاوێژکاری نوێنەری نەتەوە یەکگرتوەکان لە سوریا (ئەخزەری ئیبراهیمی) و ئەبوایە بێلایەن بوایە، هەر هیچ نەبێت وەک هێزەکانی شۆڕش ناویان ببات. بەڵام بە ناوهێنانی ئەوانەی دژی داعش و جەبهەی نوسرە دەجەنگان وەک فاشیست، دڵی کەس ناڕەنجێنێت.
* * *
"جۆن دۆست" بەردەوام بە ڕێگەی تورکیا بو، لە زۆر شوێنێش خۆی وەک ڕۆماننوسێک لە بیر دەکردو زیاتر لە پێویست له ئۆفیسی بهرههڵستكارهكانی سوریا چاوەڕانی دەکرد، بەڵکو پشتگیرییان بە دەست بێنێت و ببێتە ڕاوێژکاری ئەخزەری ئیبراهیمی. مەسەلەکە خۆ ڕسواکردنیشی تیابو، بەڵام هەر قبوڵ بو.
تێبینی : جان چەند جارێکیش چوەتە تونس و ئەیەویست هەڵمەتێکی پەیوەندی گشتی لەوی دورست بکات تا ئەخزەری ئیبراهیمی لەوێش بیناسێت، ئیتر ئەم هەمو شتانە ئەوەی ئەهێنا هەرچی قسەی ناشیرین هەیە بە کورد بیڵێت.
تعليقات